Lansman Bibliothèque Leslie Manigat nan Lekòl Eben Ezer

Chòy di, chòy fèt!

Jodi a ki se vandredi 16 novanm 2018 la, Jeunesse et Lecture te òganize lansman katriyèm Bibliothèque scolaire, nan kad PROJET BIBLIOTHÈQUE SCOLAIRE li a ki te kòmanse nan dat desanm 2017, nan okazyon setyèm anivèsè fondasyon Jeunesse et Lecture.

Menm jan sa te fèt
1. Nan Centre d'Etudes (7 desanm 2017: Bibliothèque Francklin Paul Lormier)
2. Nan lekòl Wilfrid Beaubrun (8 fevriye 2018: Bibliothèque Exantus Laraque)
3. Nan lekòl Anténor Firmin (29 oktòb 2018: Bibliothèque Chrislet Michel)

Se konsa, nan lekòl Eben Ezer, nou te lanse BIBLIOTHÈQUE LESLIE MANIGAT. Se toujou direksyon lekòl yo ki chwazi non yo pou mete pèsonaj yo alonè.

Te gen 7 lekòl ki te patisipe:

1. Institution Mixte Anténor Firmin
2. Institution Mixte Eben Ezer
3. Institution Mixte Théus Dumombrun
4. Collège Mixte Mont-Carmel
5. Institution Mixte Wilfrid Beaubrun
6. Centre d'Etudes de Liancourt
7. Institution Mixte Formation Moderne

Te gen 4 konkou ki te fèt:
1. Konkou dikte
2. Konkou epelasyon
3. Konkou mo kache
4. Konkou lekti

Chak lekòl e elèv te pote liv pou tanmen Bibliothèque Leslie Manigat.

Rèv la gran, men yo kout men tipa tipa n ap rive kote n prale a kanmenm paske depi gen lespwa, gen lavi. Plis n ap viv, se plis n ap konbat pou n atenn objektif k ap itil tout moun, sitou jenerasyon k ap vini an.

Ann pote men ak Jeunesse et Lecture pou n redwi to timoun ki pa ka li, ekri e reflechi pou n gen yon lòt Ayiti.

Ansanm, sa posib paske fòs la se nan tèt kole li ye.

N ap di mèsi ak tout sipòtè nou yo.

Si w ta renmen patwone aktivite sa, kontakte Jeunesse et Lecture nan nimewo sa yo: 3639-6642 (whatsapp)/4342-6928 oswa ekri sou Messenger nan Laboussole Artibonite.

Pou wè foto yo, klike la:👇
https://m.facebook.com/story.php?story_fbid=764498107230152&id=100010099089675