Konkou: Pwòpte se devwa tout sitwayen

Nan objektif pou ede elèv lekòl nan komin Vèrèt ak Lyankou, direksyon Bibliothèque Communautaire de Deschapelles mete sou pye, yon dezyèm fwa, yon konkou tèks k ap mete anfas elèv lekòl nan klas Segondè 1, 2, 3 ak Filo, sou tèm *“Pwòpte se devwa tout sitwayen”*.

I. KONDISYON POU PATISIPE

Men kondisyon pou w patisipe nan konkou a:

1. Elèv nan klas Segondè I, II, III ak Filo

2. Elèv nan lekòl ki nan komin Vèrèt ak komin Lyankou

3. Ranpli yon fòmilè enskripsyon

4. Fè 1 foto idantite nan bibliyotèk la

5. Patisipe nan yon reyinyon sou òganizasyon konkou a jou k ap samdi 17 fevriye 2018 la

6. Entegre yon gwoup whatsapp pou jwenn tout enfòmasyon sou konkou a aprè enskripsyon an valide.

II. DEWOULMAN KONKOU A

Konkou a ap gen plizyè faz. Chak faz ap gen eliminasyon ak kalifikasyon depan kantite konkiran yo.

III. PRENSIP JENERAL

Prensip sa yo ap ede konkiran yo, piblik la konprann filozofi ak dewoulman konkou a.

1. Tout konkiran dwe respekte prensip konkou a.

2. Tout konkiran dwe respekte pèsonalite ak jijman jiri a.

3. Si gen kontestasyon, l ap fèt selon rezolisyon k ap pran nan jou reyinyon 24 fevriye a.

4. Si yon konkiran pa patisipe nan yon faz, li tou elimine, kèlkeswa rezon absans la.

5. Yon tèks ki fin soumèt pa ka modifye.

6. Tout konkiran dwe respekte tèm konkou a ak plan ki bay la.

7. Tèks la dwe tape sou òdinatè pou l soumèt bay direksyon an nan dat kap fikse aprè 24 fevriye nan jou reyinyon an.

8. Tèks 3 konkiran yo ap pibliye sou paj facebook bibliyotèk la pou tout moun li yo e kòmante yo, men sa pa konte nan pwen.

9. Ap gen 3 pri pou 3 tèks ki jwenn plis pwen yo.

10. Pa kopye sa lòt moun ekri pou fè pase pa w (plajya). Konkiran an tou anile.

11. Respekte tan ki bay pou w ekspoze e reponn kesyon yo

12. Pa depase kantite paj ki egzije a

IV. SOUMISYON TÈKS YO

Aprè enskripsyon an, konkiran an dwe soumèt tèks li nan Bibliyotèk la nan respè pou prensip sa yo:

1. Tèks la dwe ekri nan lang kreyòl.

2. Tèks la dwe tape sou òdinatè sou 5 paj pou pi plis (paj kouvèti pa konte)

3. Tèks la dwe vin sou 2 fòm:

1) sou papye

2) sou PDF nan imèl oswa whatsapp

4. Maj la dwe nòmal, entèliy 1.5, karaktè Times New Roman e gwosè 12.

5. Règ gramè ak òtograf yo dwe respekte.

6. Tèks la pa dwe pibliye sou rezo sosyal ni nan revi nan zòn konkou a ap fèt la.

V. MANB JIRI YO

Jiri a ap gen twa manb:

1. Lubérisse Katicha (ekriven, powèt)

2. Jean Baptiste Guten Rachad (pwofesè, ekriven/powèt)

3. Beaubrun Wednise (Edikatris, bibliyotekè)

_Plerette Mervil, resous imèn_

VI. PRIM YO

1. 7,000 goud
2. 5,000 goud
3. 3,000 goud

Lòt privilèj

1. Tèks premye pri a ap fè kouvèti La Boussole nan semèn nan

2. 3 tèks finalis yo ap piblye nan yon tiliv nan edisyon Jeunesse et Lecture pou Bibliyotèk la.

VII. Ki kote pou w enskri ?

 Dechapèl (Borèl, Dejaden, Koupon)

- Bibliothèque Communautaire de Deschapelles (Rue de la Bibliothèque, Village Alpha)

Tél: 4265-6006 / 3896-8604

 Vèrèt (Maren, Dezam)

- CLAC Verettes (Rue Pétion, Place des Adoquins, Tel: 3839-4076

 Lyankou (Mowo, Dwèt, Ponsonde)

- J&N: Tél:3639-6642

- Bureau Jeunesse et Lecture/ Tél:3873-7526)

Lòt zòn: Telefòn: 3639-6642

Pa bliye:

1. Pou tout modifikasyon, ajou ak retire, se nan reyinyon an y ap fèt avèk konkiran yo. Se poutèt sa, tout konkiran dwe patisipe.

Jérôme Dorsonne Emerson
Responsab òganizasyon