Liancourt: une grande première pour LBM Multiservices

Du 25 au 28 décembre 2018, les responsables du LBM MULTISERVICES ont organisé à Liancourt un séminaire de formation informatique. Environ une douzaine  jeunes de sexe différent y ont pris part.

Ce séminaire témoigne la volonté des responsables de LBM à aider les jeunes à investir le marché du travail.

Après la formation, ils ont reçu chacun un certificat de participation. Comme tant d'autres activités enterprises par les jeunes liancourtois, ces responsables devraient trouver de l'aide des élus de la zone ainsi que des notables afin de faire mieux la prochaine fois et d'attirer plus de participants.

Le staff: Louis Luckenson, Malachi Mondésir, Brousseau Volcius

Laboussole Artibonite

Facebook: Osman avèti e pwomèt!

Yon ti konpreyansyon!

Depi byen lontan, anpil itilizatè Facebook pa ka fè diferans ant yon pòs ki konsène yo ak yon lòt ki se yon enfòmasyon, yon swè sinon yon mesaj ki ka konsène lòt zanmi. Konsa, kategori itilizatè sa yo pran plezi nan tag zanmi yo nan foto yo fè nan fèt, maryaj, batèm, kominyon. Pou anpil moun tankou Osmane Jérôme (epsikològ, kominikatè, blogè/Ryhtme 509), se yon jès ki nwizib. Zanmi l yo pa bezwen tag li men li pwomèt l ap like pòs yo.

"Zanmi Facebook, pou ane 2019 kap antre a, lè wap pibliye yon foto ou kote ou te nan yon fèt, maryaj, batèm, kominyon oubyen chanje pwofil ou, tanpri ou pa bezwen kontinye tag mwen menm ak 99 lòt moun ankò. (Si se pou yon lòt bagay, pa gen pwoblèm). Garanti map ba ou, depi ou pibliye yo, mwen wè yo, map ba ou grenn LIKE la kanmenm. Mèsi davans pou konpreyansyon ou. #YonTiKonpreyansyon 🤝"

Laboussole Artibonite 

Dechapèl: Genel Geffrard: kout je sou 2018, swè pou 2019

2018 te yon ane difisil pou anpil kretyen vivan sou tè d Ayiti. Sitou sila ki pi mal yo. Sa yo rele lese pou kont yo.

Nou pap bliye tou, 2018 la te  mare kòd lonbrit li ak tout kalite pwoblèm nan tout nivo anndan sosyete a, tankou problèm sante, lamajay, ledikasyon, politik, pou n di sa yo senpman san bliye lajan ameriken ki moute kako l sou tèt lekomoni peyi a.

Pou sa n wè anba je n lane sa a, gen de lè n rete, anpil nan problèm sa yo konn pouse n  mande tèt nou chak jou ki jou : poukisa n ap viv?

Gen lòt moun ki konn mande : eskè Bondye panse ak yo tankou li panse ak lòt pitit li yo? Kòmkidire, èske sila ki pi pòv yo pa pitit Bondye tou...?

Sa fè lapenn !

2018, nou pa ka  konte valè imilyasyon pitit peyi a pran nan lòt peyi. Se lawont pou yon pèp kouwè nou ap degèpi kite peyi a pou grangou ak travay... Panse nou ale tou dwat kay sila yo ki mouri nan fon lanmè pwason manje, sa k pèdi lavi yo nan pran woulib anba fil sou fwontyè, Sa k tranche ak kout manchèt nan peyi vwazen a koz yo t al bouske demen miyò.

E san nou pa bliye tou lòt ayisyen yo pa sispann anpile nan avyon tankou sadin pou retounen lakay ak figi yo make desepsyon aprè yo te fin vann tout sa yo te posede pou yo t al chache kot lavi fè kwen.

N ap koube byen ba devan memwa tout frè ak sè nou ki mouri 6-7 jiyè, 17 oktòb ak 18 novanm nan batay pou Byennèt ak Libète a.( batay pou mande lajan petwokaribe a. ) Yon lajan ki te ka fè lavi wòz pou chak ayisyen jenerasyon an jenerasyon.

Radio Lafamilia voye gwo kout chapo pou manman pitit kite mare senti yo pou pèmèt ti moun yo antre lekòl ane a nan yon peyi kote :
- lajan monte bwa
- tout bagay tèt nèg
- grangou ap taye banda nan vant
- grangou ap kraze fwaye
 Epi moun pa vle pataje ak moun.

Se kè nou k ap dechire pou tout jenn fanm ki ansent nan chache mwayen lamanjay...

Se zantray nou k ap rache pou tout jenn dwòg ak pwostitisyon detwi nan yon peyi k ap depafini ti miyèt pa ti miyèt pandan yon seri politisyen fè tout zak malonèt sou do pèp pou jere pouvwa ak lajan...

Yon ti mo pou tout moun kite ede swa yon zanmi, yon frè, yon sè;  pou l te sòti nan yon moman difisil. 

Nou p ap bliye tout malere ak malerèz k ap soufri grangou ki wè manje men yo pa konn ki gou l genyen.

Nou tout wè 2018 s on ane trèv, yon ane grèv, yon ane ki benyen nan san gwo midi pandan kochon ap manje moun...
Moun wi...Hmmmmmm....malgre tout difikilte sa yo, direksyon Lafamilia a ak tout estaf la mete vwa ansanm pou di tout malere, peyizan, ti machann, pwofesè, elèv, medsen elatriye....:Bon lanne 2019!

Epi nou swete lespwa pou  tout moun ki sou kabann lopital, e sila yo ki pa konn kisa demen ap pote. kisa demen ap di...

Se pou 2019 fè kado ak tout fanm vanyan k ap chache yon konpayon

Se pou 2019 seche dlo nan je sila yo ki pèdi lespwa e fè limyè pou  tout timoun ki san manman k ap tann denmen...

Se pou 2019 pote rekonsilyasyon pou tout fwaye kondisyon  lavi te kraze.

Nou swete lane 2019 pral pote siksè pou tout ayisyen  alawonnbadè e nou va g on w lòt peyi ak yon lòt ledikasyon kot tout moun pral viv tankou MOUN.

Radyo lafamilia ap kontinye fè plis jefò pou ban nou pi bon sèvis !

Bon lanne 2019 !

Genel Geffrard
Laboussole Artibonite

Lyankou: Triomphe nan D1 pou 4èm fwa. Kontantman ak enkyetid

Mwen felisite tout jwè yo, estaf teknik la, dirijan yo, chak esponsò ak tout fanatik yo pou gwo efò sa a ki fèt pou Triomphe monte nan 1e divizyon pou yon 4e fwa.

Antanke nèg k ap suiv Triomphe lontan, li vin prèske pa etonan pou mwen dèske Triomphe monte nan D1, paske nan istwa chanpyona nasyonal la, Triomphe monte 4 fwa deja, sa ki ta dwe yon rekò kòm kantite fwa yon ekip monte an D1.

1. An 1999

Se te premye fwa Triomphe te monte an D1. Lè sa a se te tonton mwen, defen Melidieu Emetil ki te prezidan ekip la. Malgre li te kòmanse fè anpil efò pou ekip la te stabilize nan D1 men finalman li ta pral pèdi lavi l nan yon aksidan ki koz rèv la te disparèt la.

2. An 2002

Te gen gwo moblizasyon ki te fèt pou Triomphe monte yon 2e fwa nan D1, lè sa a kèk moun nan sektè prive lyankou a pami yo Jean Roosvelt Dénués ki te bay gwo kontribisyon pou ekip la te rete nan elit foutbòl la men malerezman mank ankadreman ak bon strikti te koz li te tonbe aprè yon sezon. Triomphe te pran yon defèt doulourez nan dènye match la fas ak Racing des Gonaïves 1-0, yon match anpil fanatik Triomphe pap janm bliye paske l te sinonim de desann an D2.

3.Marathon 2010-2011

Kòm dabitid, fanatik Triomphe pa janm dekouraje depi Triomphe al fè yon grenn viktwa deyò konnen virus 700 panik la gentan rantre nan san yo. Ebyen epòk sa a Malgre dirijan Carl Thelemaque pat gen gwo mwayen pou te demare sezon an, Triomphe te 2mare ak yon viktwa deyò nan 2 premye match li yo. Ebyen mobilizasyon an ta pral kontinye jiska viktwa final ki te pèmèt yo monte yon 3e fwa nan D1. Rive la, malgre sitwayen Yvener Dorsainvil k ap viv Chili te pèmèt 3 chilyen vin jwe nan ekip la pou te vin asosye ak tijèn yo ki te monte ekip la, sa pat anpeche li te fè asansè pou yon 3e fwa an D1.

4. 2018

Triomphe monte pou yon 4e fwa nan yon moman dirijan Eril, Louisgens, Rocher elt..te gen gwo difikilte ekonomik sitou pou mwayen transpò lè ekip la pral jwe aleksteryè. Malgre sa yo travèse tout obstak yo pou yo rive nan elite foutbòl la.

Ekip la monte sa bay gwo kontantman kay fanatik yo men nan vizaj yo ou ka wè gen anpil enkyetid tou, sitou pou fanatik ki te viv peryòd asansè 1999, 2002 ak 2011 yo. Y ap poze tèt yo kesyon pou mande ki avni ekip la nan 1e divizyon ?

Moun Lyankou se pasyone foutbòl, kidonk tout moun dakò Lyankou merite yon plas nan elite foutbòl la. Ebyen jodi a se moman pou tout moun Lyankou mete tèt yo ansanm, moman pou tout moun bay kontribisyon yo kit ou se moun anwo, moun anba, moun ayiti, moun aletranje yon fason pou Triomphe rete fyète zòn nan nan foutbòl ayisyen an.

Emetil Blerkenson
LABOUSSOLE ARTIBONITE

Lyankou/Fèt Nwèl : Estaf Konbit remèsye sipòtè e patisipan l yo.

Chak ane, depi 2013, estaf KONBIT ki nan Bibliothèque Konbit nan Lyankou, pran inisyativ pou fete moman nwèl la ak timoun e jèn yo, sitou sila ki gen talan pou chante. Se yon espas pou tout atis vin pèfòme e pou tout sitwayen distribye kado.

Pandan 3 jou, swa soti 23 pou rive 25 desanm 2018, Nwèl Konbit te yon siksè. Plizyè kado te bay e atis yo te mete animasyon pou piblik la ki toujou deplase vin asiste aktivite sa.

Pandan l ap tann desanm lane 2019 pou 6e edisyon an, Oris Edrige, youn nan responsab KONBIT te remèsye sipòtè l yo nan yon mesaj sou Facebook.

"Noël KONBIT rive nan bout li pou ane 2018 la. Nan non tout ekip la nou remèsye tout moun ki te bay tan yo pou pwogràm nan te ka byen òganize, Dj yo, Prezantatè yo, Atis yo elatriye. Nou di mèsi ak tout moun nan Rue Dr Mellon ki te fè yon veritab konbit pou fè netwayaj, dekorasyon epi konstwi Stann nan. Nou remèsye twoup teyat ki te soti dechapèl pou vin pèfòme nan dènye jou a. Nou remèsye Richelson Morinvil ki kouvri yon pati nan kou konstriksyon Stann nan. Nou remèsye Issa Auto Parts ki te mete yon sistèm son a dispozisyon nou pandan 3 jou yo. Nou remèsye tout moun ki te ede nou fè pwomosyon pwogràm nan sou paj Facebook pèsonèl yo. Nou remèsye Radyo Chandèl ak emisyon Lodyans Literè paske se sèl emisyon, sèl Radyo ki te rele nou pou entèvyou nan kad reyalizasyon Noël.

An fen, si nou ta pran remèsye FACEBOOK pa tap sifi. Sèlman Staf Noël KONBIT la mande tout moun alawonnbadè pou resevwa mo remèsiman sa yo ki soti jis nan fon kè nou."

Klike sou lyen sa pou w gade videyo youn nan atis ki te patisipe yo: https://m.facebook.com/story.php?story_fbid=2229344000669471&id=100007816783857

Laboussole Artibonite

Chili/Ayiti: Angel's Voice, yon gwoup gospèl ki pran nesans nan peyi Chili.

Se ak gwo sipriz yo te deside ofri yon gwo konsè nan Lavil Santyago sou  balkon  klèb La Unión gratis. Se te yon yon gro espektak san parèy. Anpil chilyen te rive siprann de kalite mizik la ak sanfwa chantè yo te mete nan kantik yo te entèprete yo. Yo te konsidere se yon kalite sekrè nou gen lakay nou yo pat konnen.

Jès Ministè kilti ak patrimwàn nan peyi Chili salye e te pwofite pataje sou rezo sosyal yo kalite kokenn chenn konsè sa ak moun ki pat gen chans swiv li nan moman sa tap pase a.

Nou pap manke pa siyale ke konsè a te tèlman siprann moun, chilyen yo temwaye nan mikwo Tele 13 ke yo pa abitye ak Style gospel sa. Yo te apresye kalite talan mizikal sa lakay ayisyen, bagay yo kalifye ki dwe yon gwo talan kache nan kominote a.

Se Yvelor Alexis, yon jèn gason ki fonde e ap dirije gospèl sa.

Nou envite w gade prestasyon yo, felisite kreyasyon gwoup la e ankouraje yo nan travay y ap fè pou reyisi reyalize pi gran pwojè.

De lwen, se yon pa anplis nan travay pou vann yon lòt imaj de ayisyen k ap evolye nan peyi Chili, sa nou apresye anpil.

Gade videyo a nan lyen sa: https://m.facebook.com/story.php?story_fbid=2356334427772230&id=2276622089076798 sou Facebook Sterphenson Saint-Preux.

Sous: Sterphenson Saint-Preux.

Verrettes: Pour une deuxième fois, l'Institution Mixte Joseph C. Bernard est championne du concours d'épellation "Épeler pour s'instruire".

"Épeler pour s'instruire", tel est le thème du concours d'épellation  organisé par l'Association des Citoyens pour l'Avancement et le Relancement Social (ACARESO) depuis deux ans au profit des élèves du 3e cycle des communes Verrettes et Liancourt.

Le Centre d'Etudes de Liancourt et l'Institution Mixte Joseph Claude Bernard, plus connue sous le nom de Pélican se sont retrouvés en finale pour une deuxième fois consécutive au local de la Bibliothèque Communautaire de Deschapelles, le vendredi 21 décembre 2018. Et c'est encore le Pélican des Verrettes qui a remporté le premier prix du concours.

Le coordonnateur général de l'ACARESO, Clarel Thermidor, se dit fier de la réussite de cette nouvelle édition. "Nous sommes là pour une jeunesse dynamique", a-t-il écrit sur son compte Facebook.

Laboussole Artibonite 

Blerkenson: Triomphe gen 75% chans pou l monte.

"Triomphe AC de Liancourt" monte 3 fwa deja en Premyè Divizyon, dènye fwa a sete ak Valencia an 2011.

-An 1998 Valencia te bat li nan final D2
-An 2001 Exelcior te bat li 1-0 nan final D2
-An 2011 Triomphe Champion sou Valencia 4-1 nan final retou 2e Divizyon.

Triomphe jwe Premyè Divizyon an 1999, 2002 & 2011 e li tonbe a chak fwa yo.

Nan Playoffs 2018 la Triomphe gen 75% chans pou l monte (3/4 ekip k ap monte), Kidonk, li bezwen yon viktwa kont Acolade de Gros Morne e menm si l ta pèdi nan final Nord a, l ap bezwen yon viktwa baraj match 3e plas la k ap jwe ant finalis Nord/Sud.

Blerkenson Emetil
Laboussole Artibonite